ତେଣୁ ଏକ ସଂସ୍ଥାରେ ଜଣେ ଏଚ୍ଆର୍ଙ୍କ ଭୂମିକା ସଠିକ୍ ପ୍ରତିଭାଙ୍କୁ ନିଯୁକ୍ତି ଦେବା, ଦକ୍ଷତାର ବିକାଶ କରିବା ଓ ଦକ୍ଷ କର୍ମଚାରୀଙ୍କୁ ବଜାୟ ରଖିବା ପାଇଁ ଗୁରୁତ୍ୱପୂର୍ଣ୍ଣ ଅଟେ ।’ ଏହି ସମ୍ମିଳନୀରେ ସମ୍ମାନିତ ଅତିଥି ଭାବେ ଯୋଗ ଦେଇଥିବା ସମିଟ୍ ଡିଜିଟେଲ୍ର ସିଏଚ୍ଆର୍ଓ, ରେଣୁକା ଗୌଡ କହିଛନ୍ତିଯେ, ‘ଡିଇଆଇକୁ କେବଳ ଶୀର୍ଷ ପରିଚାଳନା ସ୍ତରରେ ନୁହେଁ ବରଂ ବହୁସଂଖ୍ୟକ ଲୋକ ସମସ୍ତ ସ୍ତରରେ ଗ୍ରହଣ କରିବାର ଆବଶ୍ୟକତା ରହିଛି ।
ଆମକୁ ସମସ୍ତଙ୍କ ପାଇଁ ଏକ ଉତମ ଭବିଷ୍ୟତ ନିର୍ମାଣ କରିବା ଲାଗି ବିଭିନ୍ନ ଦୃଷ୍ଟିକୋଣ, ବିଚାର ଓ ଅନୁଭୂତିଗୁଡିକୁ ଗ୍ରହଣ କରିବାକୁ ପଡିବ । ପ୍ରିଲ୍ୟୁଡ୍ ପରିବାର ବିବିଧତାର ମୂଲ୍ୟରେ ବିଶ୍ୱାସ କରେ ଏବଂ ଆମେ ସମ୍ମାନ, ସମାନୁଭୂତି ଓ ଅନ୍ତର୍ଭୁକ୍ତୀକରଣର ଏକ ସଂସ୍କୃତିକୁ ପ୍ରୋତ୍ସାହିତ କରିବା ପାଇଁ ପ୍ରତିବଦ୍ଧ ରହିଛୁ ।
ଆସନ୍ତୁ ଏଭଳି ଏକ ଦୁନିଆ ଗଠନ କରିବା ଯେଉଁଠାରେ ପ୍ରତ୍ୟେକ ବ୍ୟକ୍ତି ସେମାନଙ୍କର ପରିଚୟ ନିର୍ବିଶେଷରେ ସେମାନଙ୍କୁ ଶୁଣାଯାଉଥିବା, ଦେଖାଯାଉଥିବା ଓ ସମ୍ମାନ ଦିଆଯାଉଥିବା ଅନୁଭବ କରିବେ ।’ ଏହି ବହୁମୂଖୀ ଏଚଆର୍ କନ୍କ୍ଲେଭ୍ ୧୦୦ରୁ ଅଧିକ ଏଚ୍ଆର୍ ପେସାଦାରମାନଙ୍କ ପାଇଁ ଏକତ୍ରିତ ହେବା ଓ ପରସ୍ପରଠାରୁ ଶିଖିବା ଏବଂ ସାଂଗଠନିକ ଲକ୍ଷ୍ୟକୁ ଆଗକୁ ବଢାଇବା ପାଇଁ ନୂଆ ବିଚାରଧାରା ଓ ରଣନୀତିଗୁଡିକ ସହ ଫେରିବା ପାଇଁ ଏକ ଅତୁଳନୀୟ ସୁଯୋଗ ଥିଲା ।
ସମ୍ମିଳନୀର ମୁଖ୍ୟ ଉଦ୍ଦେଶ୍ୟ ଥିଲା ବର୍ତମାନର ଚାହିଦା ଓ ଦକ୍ଷତା ଅନ୍ତରକୁ ବୁଝିବା ଯାହା ସଂଗଠନଗୁଡିକୁ ସମସ୍ତେ ମୂଲ୍ୟବାନ ଓ ସମ୍ମାନିତ ଅନୁଭବ କରୁଥିବା ଏକ ପରିବେଶ ସୃଷ୍ଟି କରିବା ପାଇଁ ନିଯୁକ୍ତି ପ୍ରଦାନ କରିବା ଏବଂ ବିବିଧତା ଓ ଅନ୍ତର୍ଭୁକ୍ତୀକରଣ ଦିଗରେ ଅଧିକ ସକ୍ରିୟ ଆଭିମୁଖ୍ୟ ଗ୍ରହଣ କରିବା ଲାଗି ପ୍ରେରିତ ଓ ସଶକ୍ତ କରିବ । ଏକ ବହୁମୂଖୀ କର୍ମବଳ ଉଦ୍ଭାବନ, ଅଭିବୃଦ୍ଧି ଓ ସଫଳତାକୁ ପରିଚାଳନା କରିବାର ଚାବିକାଠି ଅଟେ ।
