ବରଗଡ଼ ଏଫ୍ ଏମ୍ ରିଲେ କେନ୍ଦ୍ର ଉଦଘାଟିତ

୩୦ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ବରଗଡ଼ :- ବରଗଡ଼ ଠାରେ ପ୍ରସାର ଭାରତୀ ପକ୍ଷରୁ ଏଫ୍ ଏମ୍ ରେଡ଼ିଓ ଷ୍ଟେସନ ର ରିଲେ କେନ୍ଦ୍ର ଭାରତର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଙ୍କ ଦ୍ଵାରା ଆଭାସୀ ମାଧ୍ୟମରେ ଆଜି ଉଦଘାଟିତ ହୋଇଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବରଗଡ ସାଂସଦ ସୁରେଶ ପୂଜାରୀ ଯୋଗଦେଇ ଥିଲେ । ରେଡ଼ିଓ ର ପ୍ରଚାର ପ୍ରସାର ପାଇଁ କେନ୍ଦ୍ର ସରକାର ଙ୍କ ଏହି ଉଦ୍ୟମ ସେ ପ୍ରଶଂସା କରିଥିଲେ ।ଏହା ଶହେ କିଲୋ ଓ୍ବାଟ ଟ୍ରାସମିସନ ବିଶିଷ୍ଟ କେନ୍ଦ୍ର ଓ ଏହା ବରଗଡ଼ ର ୨୨ କିଲୋମିଟର ପାରିଧି ମଧ୍ୟରେ ଶ୍ରୋତା ମାନେ ଶୁଣି ପାରିବେ । ଆକାଶ ବାଣୀ କଟକ କେନ୍ଦ୍ର ରୁ ପ୍ରସାରିତ ଏଫ୍ ଏମ୍ ର ସମସ୍ତ କାର୍ଯ୍ୟକ୍ରମ ପ୍ରତିଦିନ ସକାଳ ୬ଟାରୁ ରାତ୍ରୀ ୧୧ଟା ପର୍ଯ୍ୟନ୍ତ ଶ୍ରୋତା ମାନେ ଶୁଣି ପାରିବେ । ଉଦଘାଟନି ସମାରୋହ ରେ ନୂଆଦିଲ୍ଲୀ ପ୍ରସାର ଭାରତୀ ର ଯୁଗ୍ମ ନିର୍ଦ୍ଦେଶକ (ସମାଚାର) ନବଳ ସିଂ ପରମାର, ବରଗଡ଼ ଦାୟିତ୍ଵ ରେ ଥିବା ରାଜ କିଶୋର ପଣ୍ଡା, ରମେଶ ଚନ୍ଦ୍ର ଭୋଇ, ପ୍ରଦୀପ୍ତ କୁମାର ମିଶ୍ର,ମନୋଜ ପୂଜାରୀ,ଉମେଶ ବିଶ୍ବାଳ ପ୍ରମୁଖ ଉପସ୍ଥିତ ଥିଲେ .