୨୯ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନେଶ୍ୱର :- ସମଗ୍ର ଦେଶରେ ପିଏଚଡି ହାସଲ କରିଥିବା ବ୍ୟକ୍ତିବିଶେଷମାନଙ୍କ ମଧ୍ୟରେ ତାମିଲନାଡୁର ୧୫ % ମାନବ ସମ୍ବଳ ରହିଛନ୍ତି। ଅନୁରୂପ ଭାବେ ଦେଶର ମୋଟ ପୋଷ୍ଟ ଗ୍ରାଜୁଏଟମାନଙ୍କ ମଧ୍ୟରୁ ୧୧ % ତାମିଲନାଡୁ ରହିଛନ୍ତି । ଏହି ମାନବସମ୍ବଳ ଜରିଆରେ ତାମିଲନାଡୁ ଆଗାମୀ ଦିନରେ ଉଭୟ ଗବେଷଣା ଏବଂ ଉତ୍ତାବନର ପେଣ୍ଠସ୍ଥଳୀ ହୋଇପାରିବ ଫିକି ଅଧ୍ୟକ୍ଷ ତଥା ଇମ୍ଫାର ପରିଚାଳନା ନିର୍ଦ୍ଦେଶକ(ଏମଡି) ଶୁଭ୍ରକାନ୍ତ ପଣ୍ଡା କହିଛନ୍ତି ।
ଶନିବାର ଚେନ୍ନାଇରେ ଅନୁଷ୍ଠିତ ହେଉଥିବା ଫିକିର ଜାତୀୟ କାର୍ଯ୍ୟକାରିଣୀ ବୈଠକରେ ଯୋଗ ଦେଇ ଶ୍ରୀ ପଣ୍ଡା ଏହି ମନ୍ତବ୍ୟ ଦେଇଛନ୍ତି। ନିଜର ସାମଗ୍ରିକ ବକ୍ତବ୍ୟରେ ଫିକି ଅଧ୍ୟକ୍ଷ ଶ୍ରୀ ପଣ୍ଡା ଦେଶର ଅର୍ଥନୀତି ଅଭିବୃଦ୍ଧିକୁ ତାମିଲନାଡୁର ଯୋଗଦାନ ଏବଂ ଆଗାମୀ ସମ୍ଭାବନା ଉପରେ ଆଲୋକପାତ କରିଥିଲେ । ବିଶେଷ ରସାୟନ(କେମିକାଲ) ଏବଂ ରସାୟନକୁ ଭିତ୍ତି କରି ଗଢି ଉଠିଥିବା ଅଟୋ ମୋବାଇଲ ଏବଂ ବୟନଶିଳ୍ପ କ୍ଷେତ୍ରରେ ବ୍ୟାପକ ସୁଯୋଗ ରହିଥିବା ଶ୍ରୀ ପଣ୍ଡା ନିଜ ବକ୍ତବ୍ୟରେ ଉଲ୍ଲେଖ କରିଥିଲେ। 
ଏହି ପୁସ୍ତିକାରେ ୨୦୩୦-୩୧ସୁଦ୍ଧା ତାମିଲନାଡୁ କିପରି ଏକ ଟ୍ରିଲିୟନ୍ ଡଲାର ଅର୍ଥନୀତିରେ ପରିଣତ ହେବା ସହ ରାଜ୍ୟର ଅଭିବୃଦ୍ଧିରେ ସହାୟକ ହେବ, ସେନେଇ ଉଲ୍ଲେଖ କରାଯାଇଛି ।
ଫିକି ଅଧ୍ୟକ୍ଷ ତଥା ଇମ୍ପା ଏମଡି ଶୁଭ୍ରକାନ୍ତ ପଣ୍ଡା ଚେନ୍ନାଇ ଗସ୍ତ ସମୟରେ କନସଲଟିଭ୍ କମିଟି ଅଫ୍ ସିଟି ଚାମ୍ବର ଅଫ କର୍ମସ ଦ୍ୱାରା ସମ୍ବର୍ଦ୍ଧିତ ହୋଇଥିଲେ । ଦକ୍ଷିଣ ଭାରତର 6ଟି ଶିଳ୍ପ ସମ୍ବଦ୍ଧୀୟ ଆସୋସିଏସନକୁ ନେଇ ଉପରୋକ୍ତ କମିଟି ଗଠନ ହୋଇଛି । ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ଉଦବୋଧନ ଦେଇ ଶ୍ରୀ ପଣ୍ଡା ଦେଶର ଆଗାମୀ ଅର୍ଥନୈତିକ ସମ୍ଭାବନା ଏବଂ ନିବେଶକ ପାଇଁ ସୁଯୋଗ ସମ୍ବଦ୍ଧରେ ଆଲୋକପାତ କରିଥିଲେ ।
