ଘର ଭିତରୁ ଗୁପ୍ତ ଧନ ବାହାର କରିବା ପ୍ରଲୋଭନ ଦେଖାଇ ଜଣେ ମହିଳାଙ୍କ ଠାରୁ ୬୦ ଲକ୍ଷ୍ୟ ଟଙ୍କା ଠକି ନେଇଥିବା ଭଣ୍ଡ ବାବାକୁ ପୋଲିସ ଗିରଫ କଲା

୨୮ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) କଟକ :- ଘର ଭିତରେ ରହିଥିବା ଗୁପ୍ତଧନ ବାହାର କରିବା କହି ଜଣେ ମହିଳାଙ୍କ ଠାରୁ ୬୦ ଲକ୍ଷ୍ୟ ଟଙ୍କା ଠକି ନେଇଥିବା କଟକ ମଙ୍ଗାଳାବାଗ ଥାନା କେଶରପୁର ଅଞ୍ଚଳର ମୁଲାନା କୋଫି ନାମକ ଜଣେ ଠକ ବାବାକୁ ମଙ୍ଗଳାବାଗ ପୋଲିସ ଗିରଫ କରିଛି ।ମୁଲାନା କୋଫି ନିଜକୁ ଏକ ପ୍ରତିଷ୍ଠିତ ତାନ୍ତ୍ରିକ ପରିଚୟ ଦେଇ କଟକ, ଭଦ୍ରକ ସମେତ ଓଡ଼ିଶାର ବିଭିନ୍ନ ଅଞ୍ଚଳର ଲୋକ ମାନଙ୍କୁ ଠିକିଥିବା ନେଇ କଟକ ଡିସିପି ପିନାକ ମିଶ୍ର ସାମ୍ବାଦିକଙ୍କୁ ସୂଚନା ଦେଇଛନ୍ତି । ଗିରଫ ଠକ ତାନ୍ତ୍ରିକ ସରଳ ବ୍ୟକ୍ତି ମାନଙ୍କୁ ସେମାନଙ୍କର ଘରେ ଭିତରେ ଗୁପ୍ତଧନ ସୁନା ,ରୁପା ,ଅଳଙ୍କାର ଥିବାର ପ୍ରଲୋଭନ ଦେଖାଇ ଲକ୍ଷ୍ୟ ଲକ୍ଷ୍ୟ ଟଙ୍କା ଲୁଟୁଥିଲା ।ସେହିପରି କଟକ ମଙ୍ଗଳାବାଗ ଅଞ୍ଚଳର ଶର୍ମିଳା ସେନ ନାମକ ଜଣେ ଭଦ୍ର ମହିଳାଙ୍କ ମନରେ ଆତ୍ମ ବିଶ୍ୱାସ ଜମାଇ , ତାଙ୍କ ଘର ଭିତରେ ମାଟି ତଳେ ଗୁପ୍ତଧନ ରହିଛି କହି ବର୍ଷକ ମଧ୍ୟରେ ୬୦ ଲକ୍ଷ୍ୟ ଟଙ୍କା ଠକି ନେଇଥିବା ସଂପର୍କରେ କଟକ ଡିସିପିଙ୍କ ନିକଟରେ ଅଭିଯୋଗ କରିଥିଲେ ।ଡିସିପି ପିନାକ ମିଶ୍ରଙ୍କ ନିର୍ଦ୍ଦେଶ କ୍ରମେ ମଙ୍ଗଳାବାଗ ଥାନା ପୋଲିସ ଆଜି ଭଣ୍ଡ ବାବା ଜଣଙ୍କୁ ଗିରଫ କରିବାରେ ସଫଳ ହୋଇଛି । ଗିରଫ ଠକ ବାବାଙ୍କ ନିକଟରୁ ପୋଲିସ ୨-ଟି ଦାମୀ କାର, ଗୋଟିଏ ବୁଲେଟ୍, ୨ ଲକ୍ଷ ୭୬ ହଜାର ଟଙ୍କା, ବହୁ ପରିମାଣର ନୂଆ ମୋବାଇଲ ଓ ବିଭିନ୍ନ ସାମଗ୍ରୀ ଜବତ କରିଛି ।