ରାୟଗଡା ଜିଲ୍ଲା ଗୁଣପୁର ବ୍ଳକ୍ ରେ ଅଖିଳ ଭାରତ ଗ୍ରାମୀଣ କ୍ଷେତ୍ର ମଜଦୁର ସଭା ତରଫରୁ ଗୁଣପୁର ନୂଆଁପାଲି ବସ୍ ଷ୍ଟାଣ୍ଡ୍ ଠାରୁ ଏକ ବିରାଟ ଶୋଭାଯାତ୍ରା ବାହାରି ବ୍ଳକ୍ କାର୍ଯ୍ଯାଳୟ ଏବଂ ତହସିଲ୍ କାର୍ଯ୍ଯାଳୟ ସମ୍ମୁଖରେ ବିକ୍ଷୋଭ ଓ ଧାରଣା ଦିଆଯିବା ସହ ୨୦ ଦଫା ଦାବୀ ନେଇ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଗୋଷ୍ଠୀ ଉନ୍ନୟନ ଅଧିକାରୀ ଏବଂ ତହସିଲଦାରଙ୍କୁ ସ୍ମାରକପତ୍ର ପ୍ରଦାନ ଦେଇଥିଲେ ।
ସମସ୍ତ ଦଲିତ ଏବଂ ଗରିବ ଶ୍ରମିକଙ୍କ ସରକାର ଏବଂ ଟଙ୍କା ରୁଣ ଛାଡ କରନ୍ତୁ | ବିନା ସୁଧରେ ୫ଲକ୍ଷ ଟଙ୍କା ପର୍ଯ୍ୟନ୍ତ ଅନୁଷ୍ଠାନିକ ରୁଣ ପାଇଁ ବ୍ୟବସ୍ଥା କରନ୍ତୁ | ସ୍ବୟଂ ସହାୟକ ଗୋଷ୍ଠୀ ଏବଂ ମାଇକ୍ରୋ ଫାଇନାନ୍ସ କମ୍ପାନୀଗୁଡିକର ସୁଧ ହାର ହ୍ରାସ କରନ୍ତୁ ଏବଂ ବାଧ୍ୟତାମୂଳକ ରୁଣ ପୁନରୁଦ୍ଧାରକୁ ଏକ ଜଣାଶୁଣା ଅପରାଧ ଭାବରେ ଘୋଷଣା କରାଇଦିଆଯାଉ | କରୋନା ଅବଧି ପାଇଁ ସମସ୍ତ ଦଲିତ, ଗରିବ ଏବଂ ବିପିଏଲ ପରିବାରର ବିଦ୍ୟୁତ ବିଲ୍ ଛାଡ଼ କରାଯାଉ ଏବଂ ଏହି ପରିବାରମାନଙ୍କୁ ୨୦୦ ୟୁନିଟ୍ ମାଗଣା ବିଦ୍ୟୁତ ଦିଆଯିବା ଉଚିତ୍ |
ରାୟଗଡା ଜିଲ୍ଲା ଗୁଣୁପୁର ବ୍ଲକ ଅନ୍ତର୍ଗତ ଚାଲକମ୍ଭା,ଖଇରା, ମେରିଙ୍ଗି,ଘନାନ୍ତ୍ରୀ,ବୁଲୁଶୁଣ୍ଢl,ଲବା ଓ ଅନାନ୍ୟ ଗାଁ ର ହିତାଧିକାରୀ ମାନଙ୍କୁ ପ୍ରଧାନମନ୍ତ୍ରୀ ଯୋଜନାରୁ ବାଦ ଦିଆଯାଇଛି । ତଦନ୍ତ କରି ଗରିବ ମାନଙ୍କୁ ଘର ଯୋଗାଇ ଦିଆଯାଉ। ଚଲକମ୍ଭା ଗ୍ରାମର ବେବି ବେହେରା, ପବିତ୍ର ବେହେରା ଦୁଇ ଜଣ ( ସରକାରୀ କର୍ମଚାରୀ) ସରକାରୀ ଜମି ଖାତା ନମ୍ବର-୨୯, ଫ୍ଲଟ ନମ୍ବର ୮୭ ରେ ବେ-ଆଇନ ଭାବେ ଦେଶୀ ମଦ ଭାଟି କରି ବେ ଆଇନ ଭାବରେ ଚାଲକମ୍ବା ଗ୍ରାମର ସରକାରୀ ଜାଗା ଯାହାର ବିଗତ ୧୬ ବର୍ଷ ଧରି ମାସିକ ୧୦୦୦/- ଟଙ୍କା ମଦ ବେପାରୀ ଠାରୁ ନେଉଛନ୍ତି । ଉକ୍ତ ମଦ ଭାଟିକୁ ଉଛେଦ କରାଯାଉ ଏବଂ ଦୋଷୀଙ୍କ ବିରୁଦ୍ଧରେ ଦୃଢ଼ ନିଷ୍ପତ୍ତି କରାଯାଉ । 
ଗୁଣପୁର ବ୍ଲକ୍ରେ ଆଦିବାସୀମାନଙ୍କ ଦ୍ବାରା ଆଦାୟ କରାଯାଉଥିବା ମହୁଲ, ଝୁଣା, ଝାଡୁ, ହଳଦୀ, ଟୋଲ, କାଜୁ, ଜଙ୍ଗଲଜାତ ଦ୍ରବ୍ୟ ଗୁଡ଼ିକ ଟି.ଡ଼ି.ସି.ସି. ଜରିଆରେ କ୍ରୟ ବିକ୍ରୟ ନିମନ୍ତେ ବ୍ୟବସ୍ଥା କରାଯାଉ ।ଜମିକୁ ଚିହ୍ନଟ କରିବା ପାଇଁ ଆର.ଆଇ. ଓ ଅମିନ୍କୁ ମାସିକ ୧୫ ଦିନ ପାଇଁ ଗୁଣପୁର ବ୍ଲକ୍ରେ ଆଦିବାସୀମାନଙ୍କର ଭୋଗ ଦଖଲରେ ରହିଥିବା ସରକାରୀ ଜମି, ଜଙ୍ଗଲ ନିର୍ଦ୍ଦେଶ ଦେବା ପାଇଁ ସୁ-ବନ୍ଦୋବସ୍ତ କରାଯାଉ । ଗୁଣପୁର ବ୍ଲକ୍ର ଲୁଙ୍ଗୁରତାଲ୍ ଠାରୁ ପି.ଡ଼ବ୍ଲ୍ୟୁଡ଼ି ରାସ୍ତା, ଜାମ୍ବଗୁଡା ଠାରୁ ପିଡବ୍ଲ୍ୟୁଡ଼ି ରାସ୍ତା ଓ ଜଲତାର,ଜଲତାରଗୁଡ଼ା ଠାରେ ପକ୍କା ରାସ୍ତା ଓ ବିଭିନ୍ନ ଜାଗାରେ ଚେକ୍ ଡ୍ୟାମ୍ ନିର୍ମାଣ କରଯାଇ ଚାଷୀଙ୍କୁ ଜଳସେଚନର ସୁବିଧା କରାଯାଉ ଏବଂ ଘନାନ୍ତ୍ରୀ ପଞ୍ଚାୟତର ତଳ ସାମ୍ପିନୀ ଗ୍ରାମର ୨୦ ପରିବାର ୫୦ ବର୍ଷ ଧରି ଭୋଗ ଦଖଲ କରି ଚାଷବାସ ଏବଂ ଘର କରିଥିବା ଲୋକମାନଙ୍କୁ ଫଟ୍ଟା ପ୍ରଦାନ କରାଯାଉ ।
