କଟକ ନୂଆବଜାର ହାଇସ୍କୁଲ ନିକଟରେ ହାଇୱ : କାର ଧକ୍କା କାର ଚାଳକ ମୃତ ଦୁଇ ଗୁରୁତର

୨୨ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) କଟକ ଜିଲ୍ଲା ପ୍ରତିନିଧି ଅମୂଲ୍ୟ କୁମାର ବାରିକଙ୍କ ରିପୋର୍ଟ :- କଟକ ପାରାଦୀପ ରାସ୍ତାର ନୂଆବଜାର ହାଇସ୍କୁଲ ଠାରୁ କିଛି ଦୂରରେ ଆଜି ଅପରାହ୍ନ ୩ଟା ସମୟରେ ହାଇୱ। ସହିତ ଏକ ଇଣ୍ଡିଗୋ କାର ଧକ୍କା ହେବାରୁ ଘଟଣା ସ୍ଥଳରେ ଇଣ୍ଡିଗୋ କାର ଚାଳକର ମୃତ୍ୟୁ ଘଟିଛି ।କାରରେ ବସିଥିବା ଅନ୍ୟ ଦୁଇ ଜଣ ଗୁରୁତର ଆହତ ହୋଇ ଚିକିତ୍ସା ପାଇଁ କଟକ ବଡ଼ ଡ଼ାକ୍ତରଖାନାରେ ଭର୍ତ୍ତି ହୋଇଛନ୍ତି । କଟକରୁ ରଘୁନାଥପୁର ଅଞ୍ଚଳକୁ ଯାଉଥିବା ଇଣ୍ଡିଗୋ କାରଟି କନ୍ଦରପୁରରୁ ଓଏମ୍ପି ଅଭିମୁଖେ ଫେରୁଥିଲାବେଳେ ଧକ୍କା ହୋଇଥିଲା ।ଦୁର୍ଘଟଣା ଏପରି ହୋଇଥିଲା ସହଜରେ ମୃତ ଏବଂ ଗୁରୁତର ଆହତ ମାନଙ୍କୁ କାରରୁ ବାହାର କରିବା ସମ୍ଭବ ହୋଇନଥିଲା । ବହୁ କଷ୍ଟରେ କାରର ଡୋର କଟାଯାଇ ମୃତ ଏବଂ ଆହତ ମାନଙ୍କୁ ବାହାର କରାଯାଇଥିଲା । ଖବର ପାଇ ଚାଉଳିଆଗଞ ପୋଲିସ ଘଟଣା ସ୍ଥଳରେ ପହଞ୍ଚି ଗୁରୁତର ଦୁଇ ଜଣଙ୍କୁ ଚିକିତ୍ସା ନିମନ୍ତେ କଟକ ବଡ଼ ଡ଼ାକ୍ତରଖାନାକୁ ପଠାଇ ଦୁଇଟି ଗାଡ଼ି କୁ ଥାନାକୁ ନେଇଥିଲେ ।