ଜାତୀୟ ରାଜପଥ ସୁରକ୍ଷା ମଞ୍ଚ ଏବଂ ଆମ୍ବେଦକର ସ୍ମୃତି ପରିଷଦ ପକ୍ଷରୁ ଆମ୍ବେଦକର ଜୟନ୍ତୀ ପାଳନ ଓ ଜଳଛତ୍ର କେନ୍ଦ୍ର ଉଦଘାଟିତ

୧୪ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) କଟକ ଜିଲ୍ଲା ପ୍ରତିନିଧି ଅମୂଲ୍ୟ କୁମାର ବାରିକଙ୍କ ରିପୋର୍ଟ :-  କଟକ ସଦର ଥାନା ଅନ୍ତର୍ଗତ ବାଲିକୁଦା ଛକ ନିକଟରେ ଆଜି ଜାତୀୟ ରାଜପଥ ସୁରକ୍ଷା ମଞ୍ଚ ଏବଂ ଆମ୍ବେଦକର ସ୍ମୃତି ପରିଷ ପକ୍ଷରୁ କେକ କଟାଯାଇ ବାବା ସାହେବ ଡ଼କ୍ଟର ଭିମରାଓ ଆମ୍ବେଦକରଙ୍କ ୧୩୨ ତମ ଜୟନ୍ତୀ ପାଳନ କରାଯାଇଥିଲା । ଏହି ଅବସରରେ ପଥଚାରୀଙ୍କୁ ଥଣ୍ଡା ପାନୀୟ ଜଳ ବିତରଣ କରାଯାଇଥିଲା । ରାଜ୍ୟ ସରକାର ବିଭିନ୍ନ ନେତାଙ୍କ ଜୟନ୍ତୀ ଧୁମଧାମରେ ପାଳନ କରୁଥିଲା ବେଳେ ଡ଼କ୍ଟର ଭିମରାଓ ଆମ୍ବେଦକରଙ୍କ ଜୟନ୍ତୀ ସେଭଳି ଧୁମଧାମରେ ପାଳନ କରାଯାଉ ନଥିବାରୁ ଆମ୍ବେଦକର ସ୍ମୃତି ପରିଷଦ କଟକର ସଭାପତି ସୁକାନ୍ତ ସେଠୀ କ୍ଷୋଭ ପ୍ରକାଶ କରିଛନ୍ତି । ଶ୍ରୀ ସେଠୀ କହିଛନ୍ତି ଆଗାମୀ ଦିନରେ ରାଜ୍ୟ ସରକାର ଏବଂ ଜିଲ୍ଲା ପ୍ରଶାସନ ଏଦିଗରେ ଦୃଷ୍ଟି ନଦେଲେ ଆମ୍ବେଦକର ସ୍ମୃତି ପରିଷଦ ରାଜ୍ୟ ବ୍ୟାପୀ ଆନ୍ଦୋଳନ କରିବ ବୋଲି ଚେତାବନୀ ଦେଇଛନ୍ତି ।ଆମ୍ବେଦକର ସ୍ମୃତି ପରିଷଦ କଟକ ର ସଭାପତି ସୁକାନ୍ତ ସେଠୀଙ୍କ ନେତୃତ୍ବରେ ଆୟୋଜିତ କାର୍ଯ୍ୟକ୍ରମରେ କଟକ ଜିଲ୍ଲା ଆମ୍ବେଦକର ସ୍ମୃତି ପରିଷଦର ମହିଳା ସଭାନେତ୍ରୀ ପ୍ରମୋଦିନୀ ମଲ୍ଲିକ, ପ୍ରଦୀପ ସେନାପତି, ଆଇନଜୀବୀ ବିଷ୍ଣୁ ପ୍ରସାଦ ମଲ୍ଲିକ, ଦଳିତ ନେତା ବିଜୟ ସାମଲ, ନବ ଦାସ, ବାସୁଦେବ ସାମଲ, କିଶୋର ଦାସ,ପ୍ରମୋଦ ମଲ୍ଲିକ, ବଳରାମ ଦାସ, ଚୈତନ୍ୟ ସାମଲ,ଅମର ସାମଲ ପ୍ରମୁଖ ଯୋଗଦେଇ ସମ୍ବିଧାନ ପ୍ରଣେତା ଡ଼କ୍ଟର ଭିମରାଓ ଆମ୍ବେଦକରଙ୍କ ସ୍ମୃତି ଚାରଣ କରିଥିଲେ ।