କିମ୍ସ୍ ହସ୍ପିଟାଲ ଦ୍ବାରା ମାଗଣା ସ୍ବାସ୍ଥ୍ୟ ସେବା ଶିବିର

୧୦ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ଆର,ଉଦୟଗିରି :- ଗଜପତି ଜିଲ୍ଲା ନୂଆଗଡ଼ ବ୍ଲକ ଅନ୍ତର୍ଗତ ବଡ଼ପଦା ଗ୍ରାମ ପଞ୍ଚାୟତ ସ୍ଥିତ ମଣ୍ଡଳୀ ଚର୍ଚ୍ଚ ପଡ଼ିଆରେ ବଡ଼ପଦା ପଞ୍ଚାୟତ ସହଯୋଗରେ ଶ୍ରୀକାକୁଲମ ସ୍ଥିତ “କିମ୍ସ ହସ୍ପିଟାଲ” ଦ୍ଵାରା ମାଗଣା ସ୍ବାସ୍ଥ୍ୟ ସେବା ଶିବିରଟି ଅନୁଷ୍ଠିତ ହୋଇଅଛି । ଏହି ପରିପ୍ରେକ୍ଷୀରେ ସରପଞ୍ଚ ଶ୍ରୀମତୀ ପ୍ରିୟଙ୍କା ପାଣି ରିବନ କାଟି ସ୍ବାସ୍ଥ୍ୟ ସେବା ଶିବିର ଟିର ଶୁଭ ଆରମ୍ଭ କରିଥିଲେ ।ପଞ୍ଚାୟତ ସମିତି ସଭ୍ୟ ମାନୁଏଲ ଛିଞ୍ଚାଣୀ, ନାଏବ ସରପଞ୍ଚ ପ୍ରିଙ୍କି ଛିଞ୍ଚାଣୀ ଏବଂ ସମସ୍ତ ୱର୍ଡସଭ୍ୟ ସମେତ ପୂର୍ବତନ ୱର୍ଡସଭ୍ୟ ସଞ୍ଜିବ ବେବର୍ତ୍ତା, ସୂର୍ଯ୍ୟ ଛିଞ୍ଚାଣୀ ଓ ସଂଜିତ ପାଣି ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ ।  “କିମ୍ସ ହସ୍ପିଟାଲ”ର ଡଃ. ରାମଣା ରାଓ (ଏମ୍.ଏସ.ଜେନେରାଲ ସର୍ଜନ) ଓ ଡଃ.ସ୍ଵାତ୍ତିକ (ଏମବିବିଏସ୍) ଏବଂ ଏମ୍.ମନୋହର(ମାର୍କେଟିଂ ମ୍ୟାନେଜର) ସମେତ ନଅ ଜଣିଆ ଦଳ ଏହି ଶିବିର କାର୍ଯ୍ୟଟିକୁ ତଦାରଖ କରିଥିଲେ । ଉକ୍ତ ଶିବିର ସକାଳ ୧୦ଘ.ଠାରୁ ଅପରାହ୍ନ ୨ଘ.ଯାଏଁ ଲାଗି ରହିଥିଲା ।ଏଥିରେ ଖଜୁରୀପଦା,କେ ଝାଲରସିଂ,ନୂଆଗଡ଼,ବଡ଼ପଦା,ତିତିସିଂ ଓ ତାବରଡ଼ା ପଞ୍ଚାୟତର ମୋଟ ପନ୍ଦରଖଣ୍ଡ ଗ୍ରାମର ୨୧୧ଜଣ ରୋଗିଙ୍କୁ ପରିକ୍ଷା କରି ଇସିଜି,ବିପି,ସୁଗେର ଟେଷ୍ଟ ସହ ମାଗଣା ଔଷଧ ବଣ୍ଟନ କରାଯାଇଥିଲା । ଏହି ଶିବିରରେ ଅତ୍ୟଧିକ ଉତ୍ତମ ଚିକିତ୍ସା ଆବଶ୍ୟକ ଥିବା ରୋଗିଙ୍କୁ ଓଡ଼ିଶା ସରକାରଙ୍କ ବିଜୁ ସ୍ବାସ୍ଥ୍ୟ କାର୍ଡ ଯୋଗେ ଶ୍ରୀକାକୁଲମ ସ୍ଥିତ “କିମ୍ସ ହସ୍ପିଟାଲ”ରେ ମାଗଣା ସ୍ବାସ୍ଥ୍ୟ ସେବା ଯୋଗାଇ ଦିଆଯିବା କଥା ସୂଚନା କରାଗଲା ।