ଚିଲିକାକୂଳ କେତେକ ଅଂଶକୁ ଜବର ଦଖଲ କରି ମାଫିଆଙ୍କ ମାଛ ଚାଷ

୮ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ବାଲୁଗାଁ :- ବାଲୁଗାଁ ନିକଟସ୍ଥ ଚିଲିକାକୂଳରେ କେତେକ ଅଂଶକୁ ଜବର ଦଖଲକରି କେତେକ ଆସାମlଜିକ ବ୍ୟକ୍ତି ଜୋର ଦବରଦସ୍ତ ଜୁଲୁମ କରି ପୋଖରୀ ନିର୍ମାଣ କରି ଏହାକୁ ବ୍ୟବସାୟର ରୁପ ଦେଇଥିବାବେଳେ ଆଉ କେତେକ ଅଂଶରେ ପାଚେରୀ ନିର୍ମାଣ କରୁଛନ୍ତି l ଏହି ଅନୈତିକ କାର୍ଯ୍ୟକୁ ବିରୋଧ କରି ସ୍ଥାନୀୟ ଅଞ୍ଚଳର ଲୋକମାନେ ଚିଲିକା ତହସିଲଦାରଙ୍କ ଦୃଷ୍ଟି ଗୋଚର କରିଛନ୍ତି l ଯଥା ଶ୍ରୀଘ୍ର ଏହି କାର୍ଯ୍ୟ କୁ ବନ୍ଦ କରିବା ସହିତ ସମ୍ପୃକ୍ତ ବ୍ୟକ୍ତିଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତହସିଲଦାର କହିଛନ୍ତି lସୂଚନା ଯୋଗ୍ୟ ବାଲୁଗାଁ ଅଞ୍ଚଳର ଜଣେ ବ୍ୟକ୍ତି ବାଲୁଗାଁ ଚିଲିକାକୂଳ ମାଛ ବଜାରର ପୂର୍ଵ ଦିଗରେ ଥିବା ଚିଲିକାକୁଳର କିଛି ଜଳରାଶିକୁ ପୋତି ସେଠାରେ ନିଜର ବ୍ୟବହାର ପାଇଁ ପୋଖରୀ କରିବା ସହିତ,ପାଚେରୀ ନିର୍ମାଣ କରୁଛନ୍ତି ବାଲୁଗାଁ କଲେଜ ଓ କଳିଯୁଗେଶ୍ବର ମନ୍ଦିର ରାସ୍ତା ପାର୍ଶ୍ୱରେ ଏକାଧିକ ପୋଖରୀ ନିର୍ମାଣ କରୁଛନ୍ତି l ଏପରିକି ଚିଲିକା ତଟ ଦେଶର ଅନେକ ଅଞ୍ଚଳକୁ ପୋତିଦିଆଯାଇ ନିଜସ୍ୱ ବ୍ୟବସାୟ ଜୋର ସୋରରେ କରୁଛନ୍ତି l ଯାହା ଫଳରେ ଚିଲିକା ଜଳ ଦୂଷିତ ହେବା ସହିତ ଏକର ସୌନ୍ଦର୍ଯ୍ୟରେ ବାଧା ସୃଷ୍ଟି କରୁଥିବା ବାରମ୍ବାର ଅଭିଯୋଗ ହୋଇ ଆସୁଛି l କେତେକ ମୁଷ୍ଟିମେୟ ପ୍ରଭାବ ଶାଳୀ ବ୍ୟକ୍ତି ପୋଖରୀ କରିବା ସହିତ ଲିଜ ନେଇ ଏଥିରେ ନିଜସ୍ୱ ଘର ନିର୍ମାଣ କରି ମାଛ ବ୍ୟବସାୟ କରିବା ପାଇଁ ଭଡା ସୂତ୍ରେ ଲଗେଇ ବେଶ ମୁନଫା ଉଠାଉଛନ୍ତି l ଘଟଣା ସମ୍ପର୍କରେ ଚିଲିକା ତହସିଲଦାରଙ୍କୁ ଅଭିଯୋଗ କରିବାପରେ ଏହି ଅଭିଯୋଗ ଆଧାର କରି ପଦକ୍ଷେପ ନେବା ସହିତ ବେଆଇନ କାର୍ଯ୍ୟ କରିଥିବା ବ୍ୟକ୍ତିଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରତିଶୃତି ଦେଇଛନ୍ତି l