‘ଡ. ଅଶୋକ କୁମାର ମହାନ୍ତି : ଜର୍ଣ୍ଣି ଅଫ୍‌ ଏ ପ୍ରଫେସର’ ପୁସ୍ତକ ରାଜ୍ୟପାଳଙ୍କ ଦ୍ୱାରା ଲୋକାର୍ପିତ

୫ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନେଶ୍ୱର :- ପ୍ରଫେସର ଅଶୋକ କୁମାର ମହାନ୍ତିଙ୍କ ସାଧନା ଓ ସିଦ୍ଧି ଚିରସ୍ମରଣୀୟ ରହିବ । ଅଧ୍ୟାପନା ଓ ଗବେଷଣା କ୍ଷେତ୍ରରେ ସେ ନୂତନ ମାନକ ନିର୍ମାଣ କରିଥିଲେ । ଛାତ୍ରବତ୍ସଳ ଅଧ୍ୟାପକ ଭାବରେ ସେ ବିପୁଳ ଶ୍ରଦ୍ଧା ଓ ସମ୍ମାନର ଅଧିକାରୀ ଥିଲେ । ଓଡ଼ିଶା ମାଟିର ଏହି ସୁଯୋଗ୍ୟ ସନ୍ତାନଙ୍କ ସ୍ମ;ୃତି ରକ୍ଷା ନିମନ୍ତେ ବିଶେଷ ପ୍ରୟାସ ହେବା ଦରକାର ବୋଲି ରାଜ୍ୟପାଳ ପ୍ରଫେସର ଗଣେଶୀ ଲାଲ ପ୍ରକାଶ କରିଛନ୍ତି । ଆଜି ରାଜଭବନର ଅଭିଷେକ ହଲ୍‌ରେ ଆୟୋଜିତ ଉତ୍ସବରେ ‘ଡ. ଅଶୋକ କୁମାର ମହାନ୍ତି: ଜର୍ଣ୍ଣି ଅଫ୍‌ ଏ ପ୍ରଫେସର’ ପୁସ୍ତକକୁ ଉନ୍ମୋଚନ କରି ରାଜ୍ୟପାଳ ପ୍ରଫେସର ଲାଲ କହିଲେ ଯେ ପ୍ରତିଭା ପ୍ରସବିନୀ ଓଡ଼ିଶା ମାଟିର ମହକ ସାରା ବିଶ୍ୱକୁ ସଂଚରିଯିବା ଦରକାର ।ଡ. ମହାନ୍ତି ଜଣେ ପ୍ରେରଣାଦାୟୀ ବ୍ୟକ୍ତି ଭାବରେ ଓଡ଼ିଶାର ବୌଦ୍ଧିକ ଜଗତକୁ ଯେଉଁ ଅବଦାନ ଦେଇଛନ୍ତି ତାହାର ମୂଲ୍ୟାୟନ ହେବା ନିତାନ୍ତ ଆବଶ୍ୟକ । ବିଜୁ ପଟ୍ଟନାୟକ ବୈଷୟିକ ମହାବିଦ୍ୟାଳୟର ପୂର୍ବତନ କୁଳପତି ଡ. ଓଁକାରନାଥ ମହାନ୍ତି ପ୍ରଫେସର ମହାନ୍ତିଙ୍କ କୃତି ଓ କୀର୍ତ୍ତି ସଂପର୍କରେ ଆଲୋଚନା କରିଥିଲେ । ଅଜିତ ପଟ୍ଟନାୟକ, ସୃଜନୀ ମହାନ୍ତି, ଡ. ସଂଜୀବ ମହାନ୍ତି ପ୍ରମୁଖ ପ୍ରଫେସର ମହାନ୍ତିଙ୍କ କର୍ମମୟ ଜୀବନ ସଂପର୍କରେ ଆଲୋକପାତ କରିଥିେଲେ । ରାଜ୍ୟପାଳଙ୍କ ପ୍ରମୁଖ ଶାସନ ସଚିବ ଶାଶ୍ୱତ ମିଶ୍ରଙ୍କ ସମେତ ଉତ୍ସବରେ ବହୁ ବୁଦ୍ଧିଜୀବୀ ଉପସ୍ଥିତ ଥିଲେ ।