ବିଦ୍ୟୁତ ଉପଭୋକ୍ତା ମାନେ ଦୀର୍ଘ ଦିନ ଧରି ବିଦ୍ୟୁତ ବିଭାଗ ଦ୍ୱାରା ଆର୍ଥିକ ଓ ମାନସିକ ରୂପେ ଅତ୍ୟାଚାରିତ ହୋଇ ଚାଲିଛନ୍ତି

ବିଦ୍ୟୁତ ବିଭାଗର ମନମୁଖି କାର୍ଯ୍ୟ ପାଇଁ ଉପଭୋକ୍ତା ମାନେ ନିମ୍ନ ସମସ୍ୟା ମାନଙ୍କର ଶିକାର ହେଉଛନ୍ତି । ଯଥା –

୧) ପ୍ରତ୍ୟେକ ମାସର ବିଦ୍ୟୁତ ବିଲ ୩୦ ଦିନ ପରିବର୍ତ୍ତେ ଅଧିକ ଦିନର ଦେବା ଦ୍ୱାରା ବିଦ୍ୟୁତ ବିଲ ଅଧିକ ଦରରେ ଦେବାକୁ ପଡୁଛି । ଏହାଦ୍ୱାରା ପ୍ରତ୍ୟେକ ଉପଭୋକ୍ତା ଅତି କମରେ ମାସକୁ ଟ.୧୦୦/- ରୁ ଅଧିକ ଦେଉଛନ୍ତି ।

୨) ଉପଭୋକ୍ତା ମାନଙ୍କୁ ସବିଶେଷ କାରଣ ଓ ପୂର୍ବ ସୂଚନା ନ ଦେଇ ମନଇଛା ବିଦ୍ୟୁତ ସଂଯୋଗ ବିଛିନ୍ନ କରି ହଇରାଣ କରୁଛନ୍ତି

୩) ପାୱାର କଟ ର ପୂର୍ବ ସୂଚନା ଉପଭୋକ୍ତା ମାନଙ୍କୁ ଡାକବାଜି ଯନ୍ତ୍ରଦ୍ୱାରା ଅବଗତ କରାଯାଉନାହିଁ ।

୪) ଏମଏଫସି/କଷ୍ଟମର ଚାର୍ଜ ଏବଂ ଇ.ଡି ପରି ଅପ୍ରାସଙ୍ଗିକ ଦେୟ ଉପଭୋକ୍ତା ମାନଙ୍କ ଠାରୁ ପ୍ରତ୍ୟେକ ମାସରେ ସଂଗ୍ରହ କରାଯାଉଛି ।

୫ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ନୟାଗଡ :- ଉପଭୋକ୍ତା ମାନଙ୍କର ଏହି ସମସ୍ୟା ଗୁଡିକୁ ଉପଯୁକ୍ତ ଭାବରେ ଉପସ୍ଥାପନ କରି ତତ୍ପର ସମାଧାନ ପାଇଁ ନୟାଗଡ଼ ଜିଲ୍ଲା ବିଦ୍ୟୁତ ଉପଭୋକ୍ତା ସଂଘ ତାହାର ସମାଧାନ ପାଇଁ ଗଠିତ ହୋଇଅଛି । ଉପଭୋକ୍ତାଙ୍କ ଉପରୋକ୍ତ ସମସ୍ୟା ସମ୍ବଳିତ ଦାବିପତ୍ରକୁ ବିଦ୍ୟୁତ ବିଭାଗର ଉଚ୍ଚ ପଦସ୍ଥ ଅଧିକାରୀଙ୍କୁ ପ୍ରଦାନ କରିବା ସହିତ ଜିଲ୍ଲାପାଳ ଏବଂ ଜିଲ୍ଲାର ମାନ୍ୟବର ବିଧାୟକ ମାନଙ୍କୁ ମଧ୍ୟ ଅବଗତ କରାଯିବଏହି ପ୍ରେସ ମିଟରେ ନୂତନ ଭାବେ ଗଠିତ ଉପୋଭୋକ୍ତା ସଙ୍ଘର ମୁଖ୍ୟ ରୋଟାରୀଆନ ଆରିଫ ଖାଁ, ରୋଟାରୀଆନ ବିମଳ ପଟ୍ଟନାୟକ, ରୋଟାରୀଆନ ଲକ୍ଷ୍ମୀନାରାୟଣ ରଥ, ସମାଜ ସେବୀ ତଥା ସାମ୍ବାଦିକ ଧୀରେନ୍ଦ୍ର ପଟ୍ଟନାୟକ, ଶିକ୍ଷାବିତ ପ୍ରସନ୍ନ କୁମାର ବସନ୍ତିଆ, ସମାଜସେବୀ ରାମ ପ୍ରସାଦ ବାରିକ ପ୍ରମୁଖ ଉପସ୍ଥିତ ଥିଲେ |