୧ ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ଖୋର୍ଦ୍ଧା – ଜଟଣୀ :- ପୂର୍ବତଟ ରେଳବାଇ ଦ୍ୱାରା କରାଯାଇଥିବା ସମୁଦାୟ ଲୋଡିଂରେ ୬୪% ଅବଦାନ ସହିତ ଖୋର୍ଦ୍ଧାରୋଡ଼ ରେଳ ମଣ୍ଡଳ ପୁନର୍ବାର ପୂର୍ବତଟ ରେଳବାଇରେ ପ୍ରଥମ ସ୍ଥାନ ହାସଲ କରିଛି | ଭାରତୀୟ ରେଳବାଇ ଦ୍ୱାରା ମୋଟ ଲୋଡିଂର ୧୦% ଅଂଶୀଦାର କରି ଖୋର୍ଦ୍ଧାରୋଡ଼ ମଣ୍ଡଳ ଭାରତୀୟ ରେଳବାଇରେ ତୃତୀୟ ସ୍ଥାନ ହାସଲ କରିଛି | ଚଳିତ ଆର୍ଥିକ ବର୍ଷରେ ପଣ୍ୟ ବୋଝେଇରେ ୧୪,୫୯୭ କୋଟି ଟଙ୍କାର ସର୍ବାଧିକ ରୋଜଗାର ରେକର୍ଡ ହୋଇଛି,ଯାହା ପୂର୍ବର ସମସ୍ତ ରେକର୍ଡ ଭାଙ୍ଗିଛି |
ଅଧିକାରୀ ଏବଂ କର୍ମଚାରୀଙ୍କ କଠିନ ପରିଶ୍ରମ ଏବଂ ଉଲ୍ଲେଖନୀୟ ପ୍ରଦର୍ଶନ ଯୋଗୁଁ ,ଖୋର୍ଦ୍ଧାରୋଡ଼ ମଣ୍ଡଳ,ଭାରତୀୟ ରେଳବାଇରେ ମାଲ ପରିବହନରେ ରେକର୍ଡ ହାସଲ କରିପାରିଛି । ସେ ନିଶ୍ଚିତ କରିଛନ୍ତି ଯେ ତାଙ୍କ ଅଧିକାରୀ ଏବଂ କର୍ମଚାରୀଙ୍କ ଦଳ ସହିତ ଖୋର୍ଦ୍ଧାରୋଡ଼ ମଣ୍ଡଳ ଆଗାମୀ ଦିନରେ ଅଧିକ ସଫଳତା ହାସିଲ କରିପାରିବ ।
