ନୟାଗଡ ଡ଼ି.ଏସ.ଡବ୍ଲୁ ବିଭାଗର ପୋଷଣ ପକ୍ଷ ପାଳିତ

୨୭ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ନୟାଗଡ :- ନୟାଗଡ ଡ଼ି.ଏସ.ଡବ୍ଲୁ ବିଭାଗର ପୋଷଣ ପକ୍ଷ ପାଳିତ ଜିଲ୍ଲାପାଳଙ୍କ ସମ୍ମିଳନୀ କକ୍ଷ ସଦଭାବନା ଗୃହରେ ଜିଲ୍ଲା ବିଭାଗୀୟ ମୁଖ୍ୟ ଅଧିକାରିଣୀ ଶ୍ରୀମତୀ ମମତା ରାଣୀ ପାତ୍ରଙ୍କ ସୁପରିଚାଳନାରେ ଶାନ୍ତି ଶୃଙ୍ଖଳାର ସହ ପାଳିତ ହୋଇ ଯାଇଛି | ଏଥିରେ ଏଡିଅମ ବିଧାନ ଚନ୍ଦ୍ର ରାୟ ମୁଖ୍ୟ ଅତିଥି ଭାବେ ଯୋଗଦେଇ ପୋଷଣ ପକ୍ଷ ପାଳନର ଆବଶ୍ୟକତା ସମ୍ପର୍କରେ ସାର ଗର୍ଭକ ବକ୍ତବ୍ୟ ରଖି ଥିବା ବେଳେ ଉପସ୍ଥିତ ଅନ୍ୟ ତମ ଅତିଥି କୃଷି ବିଭାଗର ଉପ ନିର୍ଦ୍ଧେଶିକା ଗହମ ଖାଦ୍ୟର ଉପକାରିତା ସମ୍ପର୍କରେ ବ୍ୟାପକ ଭାବେ ବୁଝାଇ ଥିଲେ | ଏଥିରେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ସୁରେନ୍ଦ୍ର କୁମାର ସାହୁ ଅନ୍ୟତମ ସମ୍ମାନିତ ଅତିଥି ଭାବେ ଯୋଗ ଦେଇ ମାର୍ଚ୍ଚ ୨0ରୁ ଏପ୍ରିଲ ୩ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ପୋଷଣ ପକ୍ଷର ବ୍ୟାପକତା ସମ୍ପର୍କରେ ମତବ୍ୟକ୍ତ କରିବା ସହ ଜିଲ୍ଲା ସମାଜ କଲ୍ୟାଣ ବିଭାଗର ଏହି କାର୍ଯ୍ୟକ୍ରମ ପାଳନର ସକାରାତ୍ମକ ଦିଗ ଉପରେ ବର୍ଣନା କରିବା ସହ ବିଭାଗର ସଫଳତା ପାଇଁ ବିଭାଗକୁ ଧନ୍ୟବାଦ ଅର୍ପଣ କରିଥିଲେ | ତେବେ ଏହି କାର୍ଯ୍ୟକ୍ରମ ପରିପ୍ରେକ୍ଷୀରେ ବିଭାଗ ତରଫରୁ ଏକ ସଚେତନତା ବାର୍ତ୍ତା ମୂଳକ ସାଇକେଲ ରାଲିକୁ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରୁ ଜିଲ୍ଲାପାଳ ଶ୍ରୀଯୁକ୍ତ ରବୀନ୍ଦ୍ର ନାଥ ସାହୁ ପତାକା ହଲାଇ ଉଦଘାଟନ କରିଥିଲେ | ଏହି କାର୍ଯ୍ୟକ୍ରମ ରେ ସମଗ୍ର ଜିଲ୍ଲାରୁ ବହୁ ଅଙ୍ଗନବାଡି କର୍ମୀଙ୍କ ସମେତ ଜିଲ୍ଲାର ସମସ୍ତ ବିଭାଗୀୟ ଅଧିକାରୀ ଏବଂ କର୍ମଚାରୀ ଯୋଗ ଦେଇ କାର୍ଯ୍ୟକ୍ରମକୁ ସଫଳ କରାଇଥିବା ବେଳେ ପରିଶେଷରେ ବିଭାଗୀୟ ଜିଲ୍ଲା ମୁଖ୍ୟ ଶ୍ରମତୀ ମମତା ରାଣୀ ପାତ୍ର ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିବା ସହ ବିଭାଗ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ ବହୁ ହାତ ତିଆରି ପିଠା ପଣା, ବନ୍ଦେ ଉତ୍କଜନନୀ ଗାନ ଏବଂ ଉପସ୍ଥିତ ଅତିଥି ମାନଙ୍କଦ୍ୱାରା ମହାପ୍ରଭୁଙ୍କ ନିକଟରେ ପୁଷ୍ପ ମାଲ୍ୟ ଅର୍ପଣ ଏକ ଆଧ୍ୟାତ୍ମିକ ପରିବେଶ ଏକ ଭାବ ଗମ୍ଭୀର ପରିସ୍ଥିତି ସୃଷ୍ଟି କରିଥିଲା | ତେବେ ଜିଲ୍ଲା ପୋଷଣ ସଂଯୋଜକ ଆଶିଷ ରଞ୍ଜନ ମହାପାତ୍ରଙ୍କ ସମେତ ସମସ୍ତ ଜିଲ୍ଲା ସମାଜ କଲ୍ୟାଣ ବିଭାଗ କର୍ମଚାରୀ କାର୍ଯ୍ୟକ୍ରମକୁ ସୁନ୍ଦର ଭାବେ ପରିଚାଳନା କରିଥିଲେ |