ନୁଆଗଡ ବ୍ଳକରେ : ବ୍ଳକସ୍ତରିୟ ମନରେଗା ପ୍ରଧାନ ମନ୍ତ୍ରୀ ଗ୍ରାମୀଣ ଆବାସ ଯୋଜନା କାର୍ଯ୍ୟକ୍ରମରେ – ବ୍ଳକସ୍ତରୀୟ ଜନଶୁଣାଣି ଶିବିର ଅନୁଷ୍ଠିତ ହୋଇଥିଲା

୨୪ ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ଆର,ଉଦୟଗିରି :- ନୁଆଗଡ ବ୍ଳକ ସଦଭାବନ ସଭାଗୃହରେ ବ୍ଳକସ୍ତରିୟ ମନରେଗା ପ୍ରଧାନ ମନ୍ତ୍ରୀ ଗ୍ରାମୀଣ ଆବାସ ଯୋଜନା କାର୍ଯ୍ୟକ୍ରମରେ ବ୍ଳକସ୍ତରୀୟ ଜନଶୁଣାଣି ଶିବିର ଅନୁଷ୍ଠିତ ହୋଇଥିଲା । ଏଥିରେ ଅତିରିକ୍ତ କାର୍ଯ୍ୟନିର୍ବାହୀ ଅଧିକାରୀ (ଏଇଓ) ଜ୍ୟୋତିରାଜ ଅଧିକାରୀ, ବିଡିଓ ଲୋକନାଥ ଶବର, ସାମାଜିକ ସମିକ୍ଷକ ବାବୁଲା ବିଷୋୟା, ଉପାଧ୍ୟକ୍ଷ ନିହିମିୟା ରଇତ, ଅତିରିକ୍ତ ନିର୍ବାହୀ ଯନ୍ତୀ (ଏଇଇ) ପ୍ରଦ୍ୟୁମ ଦାସ, ସମେତ ବ୍ଳକର ଉଦ୍ୟାନ ବିଭାଗ, ଜଙ୍ଗଲ ବିଭାଗ ଓ ଆଦିବାସୀ ଉନ୍ନୟନ ସଂସ୍ଥା କର୍ମଚାରୀ ପ୍ରମୁଖ ଉପସ୍ଥତ ଥିଲେ ।ପ୍ରଥମେ ଆସିଷ୍ଟାଣ୍ଟ ପ୍ରୋଗ୍ରାମ ଅଫିସର (ଏପିଓ) ଦୀଲିପି କୁମାର ଦାସ ବିଭାଗରେ ହୋଇଥିବା ସମୀକ୍ଷା ବିବରଣୀ ପଠନ କହିଥିଲ ଏଥିରେ ମନରେଗା ଯୋଜନାରେ କିଭଲି ଭାବେ କାର୍ଯ୍ୟକାରିତା ହୋଇଛି, ସଫଳତା, କଣ କଣ କରାଯାଇପାରିବ ସେ ସମ୍ପର୍କରେ ପୁଙ୍ଖାନପଙ୍ଖ ଆଲୋଚନା କରାଯାଇଥିଲା । ବିଭିନ୍ନ ପଞ୍ଚାୟତର ଲାଇନି ବିଭାଗ କର୍ମଚାରୀ ପଞ୍ଚାୟତରେ ଥିବା ଗ୍ରାମରୋଜଗାର ସେବକ (ଜିଆରସିଏ) କିମ୍ବା ଗାଁ ସାଥୀଙ୍କୁ ନ ଜଣାଇ ମନମୁତାବକ ବିଭିନ୍ନ ପ୍ରକଳ୍ପ କାର୍ଯ୍ୟ କରୁଥିବା ଅଭିଯୋଗ ହୋଇଛି ଏବଂ ମନରେଗା ଯୋଜନାର ବିଭିନ୍ନ ପ୍ରକଳ୍ପର ସାମଗ୍ରୀ ଅର୍ଥ ବିଳମ୍ବରେ ଆସୁଥିବ ନେଇ ଜନପ୍ରତିନିଧି ଅସନ୍ତୋଷ ବ୍ୟକ୍ତ କରିଥିଲେ ।ମନରେଗା ପ୍ରକଳ୍ପ ସରକାରଙ୍କ ନିୟମ ଅନୁସାରେ କରିବାକୁ ସମସ୍ତ କାର୍ଯ୍ୟକାରୀ ସଂସ୍ଥାକୁ ନିର୍ଦେଶ ଦିଆଯାଇଥିଲା । ଏହା ପରେ ବ୍ଳକ ପ୍ରକଳ୍ପ ସଂଯୋଜକ (ବିପିସି) ସନ୍ତୋଷ କରାଡ ଆବାସ ଯୋଜନା କାର୍ଯ୍ୟକ୍ରମ ବିଷୟରେ ଜଣାଇଥିଲେ । ଜନ ପ୍ରତିନିଧି ଲୋକଙ୍କ ସମସ୍ୟାକୁ ନେଇ ମଧ୍ୟ କିଛି ଦାବି କହିଥିଲେ । ସେହିପରି କାର୍ଯ୍ୟକ୍ରମରେ ସମସ୍ତ ସରପଞ୍ଚ ଓ ସମିତିସଭ୍ୟ/ସଭ୍ୟା, କନିଷ୍ଠ ଯନ୍ତୀ, ବିଆରଏସ୍, ଭିଆରପି, ଗାଁସାଥୀ ଓ ଜନସାଧାରଣ ଉପସ୍ଥିତି ଥିଲେ । ଏହି କାର୍ଯ୍ୟକ୍ରମକୁ ଏପିଓ ଶ୍ରୀ ଦାସ ପରିଚାଳନା କରିଥିଲେ ।