କପସିପାଲି ଠାରେ ଶ୍ରମିକ ଅଧିକାର ମଞ୍ଚ ବାର୍ଷିକ ସାଧାରଣ ସଭା ଅନୁଷ୍ଠିତ

୨୦ ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ପାଟଣାଗଡ଼ :- ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ର ଏକ ଅଗ୍ରଣୀ ସଂଗଠନ ଶ୍ରମିକ ଅଧିକାର ମଞ୍ଚ ପକ୍ଷରୁ ବାର୍ଷିକ ସାଧାରଣ ସଭା ବରିଷ୍ଠ ସାମାଜିକ କର୍ମୀ ଶ୍ରୀ ପୂର୍ଣ୍ଣଚନ୍ଦ୍ର ଭୋଇ ଙ୍କ ସଭାପତିତ୍ବରେ କପସିପାଲି ଗ୍ରାମ ଠାରେ ଅନୁଷ୍ଠିତ ହୋଇଯାଇଛି । ଏହି ସାଧାରଣ ସଭାରେ ନୂତନ କାର୍ଯ୍ୟକାରୀ କମିଟିର କର୍ମକର୍ତ୍ତା ମନୋନୀତ କରାଯାଇଥିଲା । ସଭାପତି ରୂପେ ଶ୍ରୀ କ୍ଷେତ୍ର ମୋହନ ମାଝି, ଉପସଭାପତି ରୁପେ ଶ୍ରୀମତୀ ଗୋଲାପି ବିଶି, ସାଧାରଣ ସମ୍ପାଦକ ରୁପେ ଶ୍ରୀ ତ୍ରିଲୋଚନ ପୁଞ୍ଜି, ସହ ସମ୍ପାଦକ ରୁପେ ଶ୍ରୀ ତପ ପୁଞ୍ଜି, କୋଷାଧ୍ୟକ୍ଷ ରୁପେ ଶ୍ରୀ ଦେବରାଜ ବୁଡେକ୍, କାର୍ଯ୍ୟକାରୀ କମିଟି ର ସଭ୍ୟ ରୂପେ ଶ୍ରୀ ଦୁର୍ଯ୍ୟୋଧନ ମାଝୀ, ଓ ରେମାନନ୍ଦ କୁମ୍ଭାର ଙ୍କୁ ସର୍ବସମ୍ମତି କ୍ରମେ ମନୋନୀତ ହୋଇଛନ୍ତି । ଏହି ସାଧାରଣ ସଭାରେ ମୁଖ୍ୟ ଅତିଥି ରୂପେ କନିଷ୍ଠ ପ୍ରାଣୀଧନ ଚିକିତ୍ସ । ଅଧିକାରୀ, ଖପ୍ରାଖୋଲ, ମୁଖ୍ୟବକ୍ତା ରୂପେ ସାମାଜିକ କର୍ମୀ ତଥା ସାମ୍ବାଦିକ ଶ୍ରୀ ଅଭୟ ତ୍ରିପାଠୀ, ସମ୍ମାନୀତ ଅତିଥି ରୂପେ ସାମ୍ବାଦିକ ଶ୍ରୀ ତାପସ ବେହେରା, ଶ୍ରୀ ଉମାକାନ୍ତ ପଧାନ, ସାମାଜିକ କର୍ମୀ, ଶୁଶିଲ କୁମାର ପଧାନ, ଯୋଗଦେଇଥିଲେ । ଏହି ସାଧାରଣ ସଭାରେ ଗତ ୨୦୨୨/୨୩ ବର୍ଷର କାର୍ଯ୍ୟକ୍ରମ ଓ ଆୟ ବ୍ୟୟ ଉପସ୍ଥାପନ କରାଯାଇଥିଲା। ଉପସ୍ଥିତ ସଭ୍ୟ, ସଭ୍ୟା ଙ୍କ ସର୍ବ ସମ୍ମତି ଅନୁମୋଦନ କରାଗଲା। ଆଗାମୀ ୨୦୨୩/୨୪ ବର୍ଷ ର ଆୟ ବ୍ୟୟ ଅଟକଳ ଓ କାର୍ଯ୍ୟକ୍ରମ ସ୍ଥିର କରାଗଲା । ଦାଦନ ଶ୍ରମିକ ସମସ୍ୟାର ସମାଧାନ ପାଇଁ ସରକାର ଙ୍କୁ ଏକ ପ୍ରସ୍ତାବ ଦେବା ପାଇଁ ବୈଠକ ରେ ଆଲୋଚନା କରାଯାଇ ନିଷ୍ପତ୍ତି ନିଆଗଲା ।ଖପ୍ରାଖୋଲ, ବେଲପଡ଼ା, ତୁରେକେଲା ବ୍ଲକ ମାନଙ୍କ ରେ ସଘନ ଭାବରେ କାର୍ଯ୍ୟ କରା ଯିବ । ଶ୍ରମିକ ମାନଙ୍କର ଲେବର କାର୍ଡ ପଞ୍ଜିକରଣ, ନବୀକରଣ, ବେନେଫିଟ ପାଇଁ ଜିଲ୍ଲା ଶ୍ରମ ବିଭାଗ ସହିତ ଯୋଗା ଯୋଗ କରି ଉକ୍ତ କାର୍ଯ୍ୟ ଟି କରିବା ପାଇଁ ନିଷ୍ପତ୍ତି ନିଆଗଲା । ଏହି କାର୍ଯ୍ୟକ୍ରମ କୁ ସଫଳ କରିବା ପାଇଁ କାର୍ଯ୍ୟକର୍ତ୍ତା, ଶ୍ରୀ ମିଳନ ପୁଞ୍ଜି, ଅନ୍ନପୂର୍ଣ୍ଣ । ମହାଲିଙ୍ଗ, ଲୋଚନ, ବରିହା, ଗୋଲାପ ନିଆଲ୍, ତପ ପୁଞ୍ଜି, ପ୍ରଶାନ୍ତ ପରୁଆ, ଭାରତୀ ମାଝୀ ପ୍ରମୁଖ ଅକ୍ଲାନ୍ତ ପରିଶ୍ରମ କରିଥିଲେ।ପ୍ରଥମ ପର୍ଯ୍ୟାୟ ଅଧିବେଶନ ପରେ କପସିପାଲି ଅଫିସ୍ ଠାରେ ଦ୍ଵିତୀୟ ପର୍ଯ୍ୟାୟ ଅଧିବେଶନ ଅନୁଷ୍ଠିତ ହୋଇଥିଲା । ନିର୍ବାଚିତ କର୍ମକର୍ତ୍ତାଙ୍କୁ ଶପଥ ପାଠ କରାଯାଇଥିଲା । ନୂତନ ନିର୍ବାଚିତ ବ୍ଲକ କମିଟିର କର୍ମକର୍ତ୍ତା ଙ୍କୁ ଖପ୍ରାଖୋଲ ବ୍ଲକ ର ଦାୟିତ୍ବ ଓ କ୍ଷମତା ଅପର୍ଣ କରାଗଲା । ସଭା ଶେଷ ରେ ଶ୍ରୀ ଗୋଲାପ ନିଆଲ ଧନ୍ୟବାଦ ଅର୍ପଣ କରିଥିଲେ ।