ଜିସିବି ବୋଝେଇ ଟ୍ରକ ଜବତ,୧ ଲକ୍ଷ,୧ ହଜାର ଟଙ୍କା ଜରିମାନା ଆଦାୟ ।
୧୯ମାର୍ଚ୍ଚ ,୨୦୨୩ ( ଓଡ଼ିଶା ତାଜାନ୍ୟୁଜ ) ପାଟଣାଗଡ :- ସରକାରୀ ଜମିରେ ଜେସିବି ଲଗାଇ ବେଆଇନ ପଥର ଚୋରା ଚାଳଣା ଅଭିଯୋଗ ପରେ ତହସିଲଦାର ଙ୍କ ନିର୍ଦ୍ଧେଶ କ୍ରମେ ତାଙ୍କ କର୍ମଚାରୀ ଉକ୍ତ ଜେସିବି ବୋଝେଇ ଟ୍ରକ କୁ ଜବତ କରିବା ସହ ୧ ଲକ୍ଷ ୧ ହଜାର ଟଙ୍କା ଜୋରିମାନା ଆଦାୟ ହୋଇଥିବା ତହସିଲଦାର ଲକ୍ଷଣ ମାଝୀ ସୂଚନା ଦେଇଛନ୍ତି । ସୂଚନ ଅନୁସାରେ ପାଟଣାଗଡ ବ୍ଳକ କେନ୍ଦୁମୁଣ୍ଡି ପଞ୍ଚାୟତ ଗଡିଆଯୋର ଗାଁ ପୋଖରୀ ତଳେ ଥିବା ଏକ ସରକାରୀ ଜମିରୁ ତହସିଲ ର ବିନା ଅନୁମତି ରେ ଜେସିବି ଓ ହେମର ମାଧ୍ୟମରେ ପଥର ଫଟାଇ ପାଟଣାଗଡ଼ ଅଞ୍ଚଳର ଜନୈକ ଠିକାଦାର ବାହାର କୁ ଚୋରା ଚାଳାଣା କରୁଥିବା ସହ ଏକ ନିର୍ଦ୍ଧିଷ୍ଟ କୁପ ବନ୍ଦାଇ କାର୍ଯ୍ୟ ରେ ବ୍ୟବହାର କରୁଥିଲେ ।
ଏହି ଅଭିଯୋଗ ପାଟଣାଗଡ଼ ତହସିଲଦାର ଶ୍ରୀ ମାଝି ଙ୍କ ପାଖରେ ପହଞ୍ଚିଥିଲା । ସେ କୌଣିସି କାର୍ଯ୍ୟ ବଶତଃ ବାହାରେ ଥିବାରୁ ତାଙ୍କ ନିର୍ଦ୍ଧେଶ କ୍ରମେ ଆଜି ରବିବାର ମଧ୍ୟାହ୍ନ ସମୟରେ ପାଟଣାଗଡ଼, ଯୋଗିମୁଣ୍ଡା ଓ କେନ୍ଦୁମୁଣ୍ଡି ରାଜସ୍ବ ନିରିକ୍ଷକ ମିଶି ଘଟଣାସ୍ଥଳ କୁ ପହଞ୍ଚି ଥିଲେ । ସେମାନେ ପହଞ୍ଚିବା ପୂର୍ବରୁ ଉକ୍ତ ଜେସିବି ଓ ହେମର ଏକ ଟ୍ରକରେ ଲୋଡ ହୋଇ ଗଡିଇଜୋର ଗାଁ ଅଭିମୁଖେ ବାହାରୁଥିଲା । ଜିସିବି ବୋଝେଇ ଟ୍ରକ କୁ ଅଟକାଇ ପଚରାଉଚରା ପରେ ପାଟଣାଗଡ଼ ଥାନା କୁ ଆଣିଥିଲେ ।
ଥାନା ଗେଟ ଦେଇ ଉକ୍ତ ଜେସିବି ବୋଝେଇ ଟ୍ରକଟି ଥାନା ଭିତର ପଶିନପାରିବାରୁ ପାଟଣାଗଡ଼ ଗଙ୍ଗାଧର ପାର୍କ କୁ ନେଇ ଥିଲେ । ସେଠାରେ ପଥର ମାଫିଆ ଓ ଜେସିବି ମାଲିକ ଙ୍କ ଠାରୁ ୧ ଲକ୍ଷ ୧ ହଜାର ଟଙ୍କା ଜୋରିମାନା ଆଦାୟ କରିଥିଲେ । ଏତତ୍ ବ୍ୟତିତ ସରକାରୀ ଜମିରୁ ବେଆଇନ ପଥର ଖନନ କରୁଥିବା ପଥର ମାଫିଆ ଙ୍କୁ ଉକ୍ତ ପଥର ଗୁଡିକ ର ରାଜସ୍ବ ଦେଇ ତାକୁ ନେବାକୁ ତାଗିତ କରିଥିଲେ । ତହସିଲଦାର ଙ୍କ ଏପରି ପଦକ୍ଷେପ କୁ ସାଧାରଣରେ ପ୍ରସଂଶା କରାଯାଇଥିବା ବେଳେ ପାଟଣାଗଡ଼ ଅଞ୍ଚଳର ପଥର ଓ ବାଲି ମାଫିଆ ଙ୍କ ମଧ୍ୟରେ କୋକୁଆ ଭୟ ଦେଖାଦେଇଛି ।
