ଚାନ୍ଦପୁର ଦଶଦୋଳ ପାଇଁ କଡାକଡି ହୋଇଛି ବ୍ୟାପକ ବ୍ୟବସ୍ଥା : DJ ଓ ବାଣ ଫୁଟାଇବା ଉପରେ ପ୍ରତିବନ୍ଧକ

ଦୋଳ ପ୍ରୋସଶନ ସମୟରେ କୌଣସି ପ୍ରକାର ର DJ କିମ୍ବା ଆତସବାଜି ବାଣ ଫୁଟାଇବା ଉପରେ ପ୍ରତିବନ୍ଧକ ଲଗାଯାଇଛି ।

୧୬ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ଚାନ୍ଦପୁର :- ଚଳିତ ବର୍ଷ ଚାନ୍ଦପୁର ଅଞ୍ଚଳରେ ପାରମ୍ପାରିକ ଦଶ ଦୋଳ କମିଟି ପକ୍ଷରୁ ଦୋଳ ପ୍ରୋସେଶନ୍ ଓ ଦୋଳ ଯାତ୍ରା ଅନୁଷ୍ଠିତ ହେବ । ଗତ ବର୍ଷ ଭଳି ବସନ୍ତ ମଞ୍ଜରୀ ଡାକ୍ତରଖାନା ସମ୍ମୁଖ ମେଳଣ ପଡ଼ିଆରେ ପାରମ୍ପରିକ ରୀତି ନୀତିରେ ଦୋଳ ପୂଜା ଅନୁଷ୍ଠିତ ହେବ ତେବେ ଏ ନେଇ ପୋଲିସ ପ୍ରଶାସନ ପକ୍ଷରୁ କଡା କଟକଣା ମଧ୍ୟରେ ସୁରକ୍ଷା କର୍ମୀ ଙ୍କୁ ନିୟୋଜିତ କରାଯିବ । ଦଶ ଦୋଳ କମିଟି ର ପୂର୍ବ ପ୍ରସ୍ତୁତି ପରେ ଚଳିତ ବର୍ଷ ର ଦୋଳ ଯାତ୍ରା ରେ ଜନ ଗହଳି ହେବା ସହ କିଣା ବିକା ପାଇଁ ଦୋକାନ ବଜାର ପଡ଼ିବ ବୋଲି ଜଣା ଯାଇଛି । ଏଥି ସହିତ କମିଟି ର ସହମତି କ୍ରମେ ଦୋଳ ପ୍ରୋସଶନ ସମୟରେ କୌଣସି ପ୍ରକାର ର DJ କିମ୍ବା ଆତସବାଜି ବାଣ ଫୁଟାଇବା ଉପରେ ପ୍ରତିବନ୍ଧକ ଲଗାଯାଇଛି । ଡ଼ାକ୍ତରଖାନା ରେ ଚିକିତ୍ସିତ ରୋଗୀ , ଦଶମ ବୋର୍ଡ଼ ପରୀକ୍ଷା ଦେଉଥିବା ଛାତ୍ର ଛାତ୍ରୀ ଓ ଛୋଟ ପିଲା ଙ୍କ ଉପରେ କୁପ୍ରଭାବ ପଡିବାର ସମ୍ଭାବନା କୁ ଆଖି ଆଗରେ ରଖି ଏସବୁ ରେ ରୋକ୍ ଲଗାଯାଇଥିବା ସୂଚନା ମିଳିଛି । ଏଥିରେ ଚାନ୍ଦପୁର ପୋଲିସ ପ୍ରଶାସନ ର ସ୍ଵୀକୃତି ନିଆଯାଇ ଦୋଳ ଯାତ୍ରା ରେ ଶାନ୍ତି ଶୃଙ୍ଖଳା ରକ୍ଷା କରିବା ସହ ଉପରୋକ୍ତ ନିୟମ ଉଲଘଂନ କଲେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।