ରାଜ୍ୟ ସଭା ସାଂସଦ ଙ୍କ ପ୍ରତିଶୃତି ପରେ ଉପଜିଲ୍ଲାପାଳ କାର୍ଯ୍ୟାଳୟ ଘେରାଉ ସ୍ଥଗିତ ।
ପାଟଣାଗଡ଼ :- ପଶ୍ଚିମ ଓଡ଼ିଶା ତଥା ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ହରିଶଙ୍କର ର ସୌନ୍ଦର୍ଯ୍ୟ କରଣ କରିବା ପାଇଁ ସରକାର ପଦକ୍ଷେପ ନେଇଛନ୍ତି । ହରିଶଙ୍କର ରାସ୍ତା ଉଭୟ ପାର୍ଶ୍ଵରେ ରେ ଦୀର୍ଘ ବର୍ଷ ରୁ ରହିଆସୁଥିବା ଦୋକାନୀ ମାନଙ୍କୁ ଖପ୍ରାଖୋଲ ତହସିଲ କାର୍ଯ୍ୟାଳୟ ତରଫରୁ ଉଚ୍ଛେଦ ନୋଟିସ ଦିଆଯାଇଛି । ଏହାକୁ ବିରୋଧ କରି ୮୦ ଜଣ ଦୋକାନୀ ପରିବାର ହରିଶଙ୍କର ବିକାଶ ମଞ୍ଚ ଓ ବଣିକ ସଂଘ ର ଦ୍ଵାରସ୍ଥ ହୋଇଛନ୍ତି । ଏହି ପରିପ୍ରେକ୍ଷୀରେ ଉଭୟ ମଞ୍ଚର କର୍ମକର୍ତ୍ତା ଙ୍କ ସହ ଉଠା ଦୋକାନୀମାନଙ୍କ ତରଫରୁ ଉପଜିଲ୍ଲାପାଳ ଙ୍କ କାର୍ଯ୍ୟାଳୟ ଆଜି ୫ ଟା ରେ ଘେରାଉ କରିବାର ଥିଲା ।
ଉପଜିଲ୍ଲାପାଳ ଙ୍କ ଅଫିସ ଘେରାଉ ପୂର୍ବରୁ ଉଭୟ ମଞ୍ଚର କର୍ମକର୍ତ୍ତା ଙ୍କ ସହ ଦୋକାନୀ ପରିବାର ରାଜ୍ୟ ସଭା ସାଂସଦ ନିରଞ୍ଜନ ବିଶି ଙ୍କ ବାସଭବନ କୁ ଯାଇଥିଲେ । ସାଂସଦ ଙ୍କ ବାସଭବନ ସମ୍ମୁଖରେ ବସିପଡ଼ି ସଂପୃକ୍ତ ଘଟଣା ଉପରେ ତାଂକୁ ଅବଗତ କରାଇଥିଲେ । ଦୀର୍ଘ ବର୍ଷ ରୁ ରହି ଆସୁଥିବା ଏହି ଦୋକାନୀ ପରିବାର ଙ୍କ ଅନୁରୋଧ କ୍ରମେ ସାଂସଦ ଶ୍ରୀ ବିଶି ପାଟଣାଗଡ଼ ଉପଜିଲ୍ଲାପାଳ ଓ ବଲାଙ୍ଗୀର ଜିଲ୍ଲାପାଳ ଙ୍କୁ ଫୋନ୍ ଯୋଗେ ଅବଗତ କରାଇଥିଲେ । ଉପଜିଲ୍ଲାପାଳ ଡ଼ ବିଜୟା ନନ୍ଦ ସେଠି ସଂପୃକ୍ତ ବିଷୟ ଉପରେ ଜିଲ୍ଲାପାଳ ଙ୍କ ସହ ଆଲୋଚନା କରିବି ବୋଲି ଶ୍ରୀ ବିଶି ଙ୍କୁ କହିଥିଲେ ।
ସାଂସଦ ଶ୍ରୀବିଶି ଉପଜିଲ୍ଲାପାଳ ଙ୍କ ସହ ଆଲୋଚନା ପରେ ଜିଲାପାଳଙ୍କୁ ଘଟଣା ସମ୍ପର୍କରେ ଅବଗତ କରାଇଥିଲେ । ଜିଲ୍ଲାପାଳ ଙ୍କ ସହ ବାର୍ତ୍ତାଳାପ ପରେ ତାଙ୍କ ନେତୃତ୍ବରେ ଏକ ଟିମ୍ ଜିଲ୍ଲାପାଳଙ୍କୁ ଆସନ୍ତା କାଲି ସାକ୍ଷାତ କରି ସମାଧାନ ଉପରେ ଆଲୋଚନା କରିବାକୁ ପ୍ରତିଶ୍ରୁତି ଦେଇଥିଲେ । ପରେ ଉଭୟ ମଞ୍ଚ ସମେତ ଦୋକାନୀ ମାନେ ଉପଜିଲ୍ଲାପାଳ କାର୍ଯ୍ୟାଳୟ ଘେରାଉ ନ କରି ଓହରି ଯାଇଥିଲେ । ତେବେ ଏହାର ସମାଧାନ ନ ହେଲେ ଆଗାମୀ ଦିନରେ ହରିଶଙ୍କର ବିକାଶ ମଞ୍ଚ ଓ ବଣିକ ସଂଘ ରାଜ ରାସ୍ତାକୁ ଓହ୍ଲାଇବାକୁ ମଞ୍ଚର ସଭାପତି ଡଙ୍ଗର କୁମ୍ଭାର ଚେତାବନୀ ଦେଇଛନ୍ତି ।
