୦୨ ମାର୍ଚ୍ଚ, ଗୁରୁବାର (ଓଡ଼ିଶା ତାଜାନ୍ୟୁଜ ) ରାୟଗଡ଼ା :- ରାୟଗଡ଼ା ଜିଲ୍ଲା ଭାରତୀୟ ଜନତା ପାର୍ଟି ର ଜିଲ୍ଲା ସଭାପତି ଶ୍ରୀ ଶିବ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ରାୟଗଡ ଜିଲ୍ଲା ଭାରତୀୟ ଜନତା ଯୁବ ମୋର୍ଚ୍ଚା ପକ୍ଷରୁ ରାୟଗଡ଼ା କପିଳାସ ହଟେଇ ଛକ ଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ କୁଶ ପୁତ୍ତଳିକା ଦାହ କରାଯାଇଥିଲା । ଏହି କାର୍ଯ୍ୟକ୍ରମ ରେ ରାୟଗଡ଼ା ବିଧାୟକ ପ୍ରାର୍ଥୀ ଶ୍ରୀ ବସନ୍ତ ଉଲ୍ଲାକା , ପୂର୍ବତନ ପୌର ପରିଷଦ ପ୍ରାର୍ଥୀ ତଥା ବରିଷ୍ଠ ଆଇନଜୀବି ଶ୍ରୀ ପଦ୍ମନାଭ ଦାସ, ନଗର ସଭାପତି ଶ୍ରୀମତୀ ମଞ୍ଜୁଳା ମିଣିଆକା , ଉପସଭାପତି ଝରଣା ପାଣି , ଶିବା ଭାସ୍କର , ଅଜୟ ଚୁଲେଟ , ଜିଲ୍ଲା ଯୁବ ମୋର୍ଚ୍ଚା ର ଉପସଭାପତି ତାନଭି ଅଗ୍ରୱାଲା , 
ଗୃହ ମନ୍ତ୍ରୀ ତଥା ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପୋଲିସ ପ୍ରଶାସନ ଯେଉଁ ଭଳି ଅମାନବୀୟ ଓ ଅତ୍ୟାଚାର କରିବା ସହିତ ଯୁବକ ଯୁବତୀ ମାନଙ୍କ ସହିତ ମାର ପିଟ କରି ଲହୁ ଲୁହାଣ କରିଥିଲେ ଓ ସେମାନଙ୍କୁ ଥାନାକୁ ନେଇ ଅଟକ ରଖିବା ସହିତ ପରବର୍ତ୍ତୀ ସମୟରେ ଯୁବକ ଯୁବତୀ ମାନଙ୍କୁ ବିଭିନ୍ନ ଦଫା ଲଗାଇ ଗିରଫ କରିଥଲେ ତାହା ନିନ୍ଦନୀୟ । ରାଜ୍ୟ ଯୁବ ମୋର୍ଚ୍ଚା ର ଏବଂ ବିଜେପି ର କାର୍ଯ୍ୟକର୍ତ୍ତା ମାନେ ଥାନା କୁ ଯାଇ ପୋଲିସ ପ୍ରଶାସନ ର ଏଭଳି କାର୍ଯ୍ୟ କୁ ନିନ୍ଦା କରି ଏତଲା ଦେଲେ ମଧ୍ଯ ଥାନାରେ କୌଣସି ଏତଲା ଗ୍ରହଣ କରାଯାଇ ନଥିଲା, ଏହାର ପ୍ରତିବାଦ ରେ ରାଜ୍ୟ ସଭାପତି ଙ୍କ ଆଦେଶ କ୍ରମେ ରାଜ୍ୟ ର ସମସ୍ତ ଜିଲ୍ଲା ରେ ବିକ୍ଷୋଭ କରଯାଇଥିଲା ଏବଂ ଆଗାମୀ ଦିନରେ ସରକାର ନ ଚେତିଲେ କିମ୍ବା ସରକାରଙ୍କ ଦ୍ଵାରା ଠିକ୍ ନ୍ୟାୟ ନ ମିଳିଲେ ଭାରତୀୟ ଜନତା ପାର୍ଟି ଯୁବ ମୋର୍ଚ୍ଚା ରାଜ ରାସ୍ତାରେ ଆନ୍ଦୋଳନ କରିବା ପାଇଁ ଚେତାବନୀ ଦେଇଛନ୍ତି ।
