୮ମ ଜିଲ୍ଲାସ୍ତରୀୟ ଜୁନିୟର ରେଡକ୍ରସ ଶିକ୍ଷା ଓ ପ୍ରଶିକ୍ଷଣ ଶିବିର ଉଦ୍ଘାଟିତ

୨୮ ଫେବୃଆରୀ ମଙ୍ଗଳବାର (ଓଡ଼ିଶା ତାଜାନ୍ୟୁଜ ) ଆର,ଉଦୟଗିରି :- ୮ମ ଜିଲ୍ଲାସ୍ତରୀୟ ଜୁନିୟର ରେଡକ୍ରସ ଶିକ୍ଷା ଓ ପ୍ରଶିକ୍ଷଣ ଶିବିର ମୋହନା ବ୍ଳକର ସରକାରୀ ଉର୍ଚବିଦ୍ୟାଳୟ, ଶିକୁଳିପଦର ଠାରେ ଉଦ୍ଘାଟିତ ହୋଇଯାଇଛି । ଏହି ଶିବିର ୨୭,୨୮ ଓ ୧ ତାରିଖ ତିନି ଦିନ ଧରି ଚାଲୁ ରହିବ ବୋଲି ଆୟୋଜକଙ୍କ ଠାରୁ ପ୍ରକାଶ । ଏହି ଶିବିରକୁ ଅତିରିକ୍ତ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇ ଉଦ୍ଘାଟନ କରିଥିବା ବେଳେ S.K.C.G ମହାବିଦ୍ୟାଳୟର ଅଧ୍ୟକ୍ଷ ଅଜୟ କୁମାର ତ୍ରିପାଠୀ ମୁଖ୍ୟବକ୍ତା ଭାବେ ଯୋଗ ଦେଇଥିଲେ ।ଗଜପତି ଜିଲ୍ଲା ଶିକ୍ଷାଧିକାରୀ ପ୍ରଦୋଷ କୁମାର ନାୟକଙ୍କ ସଭାପତିତ୍ବରେ ଆୟୋଜିତ ଶିବିରରେ ଜିଲ୍ଲାର ସମସ୍ତ ମାଧ୍ୟମିକ ବିଦ୍ୟାଳୟର ପ୍ରାୟ ୧୦୦ ଜୁନିୟରସ ଓ ୩୦୦ ଜଣ ପରାମର୍ଶ ଦାତା ଯୋଗ ଦେଇଛନ୍ତି । ଶିବିର ନିଦ୍ଦେଶକ ଦେବଦାସ ତାମରୂପ , ଜିଲ୍ଲା ସମ୍ପାଦକ ସିଦ୍ଧାର୍ଥ ଶଙ୍କର ପାଠୀ ରେଡକ୍ରସର ମାର୍ଗ ଦର୍ଶକ ସୁଜନ ମଲ୍ଲିକ ଓ ନରହରୀ ପ୍ରଧାନ ସମ୍ବଳ ସାଧନ କର୍ମୀ ସୁବାସ ଚନ୍ଦ୍ର ସାହୁ, ଭାରପ୍ରାପ କ୍ରୀଡା ନିରୀକ୍ଷକ ସୁରେନ୍ଦ୍ର ପାତ୍ର ଓ ଜୁନିୟର ରେଡକ୍ରସ୍ ଅଧିକାରୀ ସଂଜୀବ କୁମାର ଦାସ ଉପସ୍ଥିତ ଥିଲେ । ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସୁଭଦ୍ରା ଦେବୀ, ବାଳକୃଷ୍ଣ ବାଗସିଂ, ଏମ ରାଜେନ୍ଦ୍ର ଦୋରା, ଅନ୍ୟ ଶିକ୍ଷକଶିକ୍ଷୟିତ୍ରୀ ଓ କର୍ମଚାରୀ ବୃନ୍ଦ ଶିବିର ପରିଚାଳନା କରିଥିଲେ ।