୨୬ ଫେବୃଆରୀ,ରବିବାର (ଓଡ଼ିଶା ତାଜାନ୍ୟୁଜ ) ଫୁଲବାଣୀ :- ରାଜ୍ଯରେ ବିପର୍ଯ୍ୟସ୍ତ ଆଇନଶୃଙ୍ଖଳାକୁ ନେଇ ଭାରତୀୟ ଜନତା ଯୁବମୋର୍ଚ୍ଚା ପକ୍ଷରୁ ଫୁଲବାଣୀ ସ୍ଥିତ ସାମ୍ବାଦିକ ଭବନଠାରେ ଏକ ସାମ୍ବାଦିକ ସମ୍ମିଳନୀ ଜିଲ୍ଲା ସଭାପତି ଗୋଲକ ବିହାରୀ କହଁର ଙ୍କ ନେତୃତ୍ବରେ ଅନୁଷ୍ଠିତ ହୋଇଯାଇଛି । ରାଜ୍ଯରେ 23 ବର୍ଷ ଧରି ଏକ ସ୍ଥିର ସରକାର ଶାସନ କରୁଥିବା ବେଳେ ଦିନକୁ ଦିନ ଆଇନଶୃଙ୍ଖଳା ବିପର୍ଯ୍ୟସ୍ତ ହେବାରେ ଲାଗିଛି। ଅଳ୍ପଦିନ ତଳେ କନ୍ଧମାଳ ଜିଲ୍ଲା ଫୁଲବାଣୀ ସ୍ଥିତ ଗଉଡସାହି ର ଛାତ୍ରୀ ମୃତ୍ୟୁ, ରାଙ୍ଗାପାରୁ ସ୍କୁଲର ନବମ ଶ୍ରେଣୀ ଛାତ୍ରୀ ମୃତ୍ୟୁ କିମ୍ବା ଅନ୍ବେଷା ହଷ୍ଟେଲ ଛାତ୍ର ମୃତ୍ୟୁ ପ୍ରତ୍ୟେକ ଟିରେ ପୋଲିସ ବିଭାଗ ତାର ବିଫଳତାର ପ୍ରମାଣ ଦେଖାଇଛି ।
ଏହି ଘଟଣାରେ ସାଧାରଣରେ ହେଉ ଅବା ଭାରତୀୟ ଜନତା ପାର୍ଟି ପକ୍ଷରୁ ବିଧାନସଭା ବାହାରେ ଏବଂ ଭିତରେ ମଧ୍ୟ ଏହାର ସତ୍ୟାସତ୍ୟ ଲୋକଲୋଚନକୁ ଆଣିବା ପାଇଁ ସି.ବି.ଆଇ. କୁ କେସ୍ ହସ୍ତାନ୍ତର କରିବାକୁ ବାରମ୍ବାର ଦାବି ସତ୍ତ୍ୱେ ରାଜ୍ୟ ସରକାର ନିଜର ଦୋଷ ଦୁର୍ବଳତା ଲୋକେ ଲୋଚନକୁ ଆସିଯିବା ଭୟରେ ଆଦୌ କର୍ଣ୍ଣପାତ କରୁନାହାନ୍ତି । ଯାହାକି ସାରା ଓଡ଼ିଶାର ଲୋକ ଏକ କ୍ୟାବିନେଟ ମନ୍ତ୍ରୀ ସୁରକ୍ଷିତ ନଥିବା ସ୍ଥଳେ ନିଜେ କିପରି ସୁରକ୍ଷିତ ରହିବେ ଭାବି ଭୟର ବାତାବରଣ ଭିତରେ ଜିବନ ବିତାଉଛନ୍ତି। ତେଣୁ ଏହାରି ପ୍ରତିବାଦରେ ଏବଂ ଏହି ଘଟଣାର ସତ୍ୟାସତ୍ୟ କୁ ଲୋକ ଲୋଚନକୁ ଆଣି ସାରା ଓଡିଶାକୁ ଭ୍ରମରୁ ଦୂର କରିବା ଦାବିରେ ଆସନ୍ତା ତା -28- 02-2023- ରିଖ ଦିନ ରାଜ୍ୟ ବିଜେପି ଯୁବମୋର୍ଚ୍ଚା ପକ୍ଷରୁ ବିଧାନସଭା ଘେରାଉ ହେବ । ଏହି ଘେରାଉରେ କନ୍ଧମାଳ ଜିଲ୍ଲାର ମଧ୍ୟ ହଜାର ହଜାର ଯୁବକ ସାମିଲ ହେବେ ବୋଲି ଶ୍ରୀ କହଁର କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ଜିଲ୍ଲା ସାଧାରଣ ସମ୍ପାଦକ ଜଗନ୍ନାଥ ସାହୁ (ଟିକୁ), ଜିଲ୍ଲା ସମ୍ପାଦକ ଗୌତମ ମଲ୍ଲିକ, ମଣ୍ଡଳ ସଭାପତି ଆଦିତ୍ୟ କହଁର ପ୍ରମୁଖ ଉପସ୍ଥିତ ଥିଲେ।
